శ్రీకాకుళం జిల్లా పలాస మండలం సున్నాడ గ్రామంలో ఏర్పాటుచేసిన ఎన్ఎస్ఎస్ ప్రత్యేక శిబిరం మంగళవారం నాటికి ఐదవ రోజుకి చేరుకుంది. ఈ కార్యక్రమంలో కాశీబుగ్గ అటవీ శాఖ డివిజన్ రేంజ్ ఆఫీసర్ మురళీకృష్ణ ముఖ్యఅతిథిగా హాజరయ్యారు. ఈ సందర్భంగా ఆయన మాట్లాడుతూ ప్రతి వ్యక్తి మొక్కలు నాటి పర్యావరణ సమతుల్యతను కాపాడాలని కోరారు. అటవీ జంతువులను వేటాడడం చట్టరీత్యా నేరం అని ఆయన వివరించారు. ఈ కార్యక్రమంలో డాక్టర్ మధు, అధ్యాపకులు కోదండరావు తదితరులు పాల్గొన్నారు.
