స్థానిక సంస్థల ఎన్నికల్లో భాగంగా శ్రీకాకుళం జిల్లా వజ్రపుకొత్తూరు మండల పరిధి కూటమి ఎంపీపీ అభ్యర్థిగా శ్రీమతి పుచ్చ శోభారాణి గురువారం నామినేషన్ దాఖలు చేశారు. ఈ సందర్భంగా ఆమె మాట్లాడుతూ.. కూటమి ప్రభుత్వం రెండున్నర ఏళ్ల కాలంలో జరిగిన అభివృద్ధిని చూసి నన్ను ఆశీర్వదించండి అని కోరారు. రాబోయే రోజుల్లో స్థానిక ఎమ్మెల్యే శిరీష సహకారంతో వజ్రపుకొత్తూరు మండల పరిధిలో ఉన్న గ్రామాలలో మౌలిక వసతులు సమకూరుస్తూ.. మరింత అభివృద్ధి చేస్తానని హామీ ఇచ్చారు. ఈ కార్యక్రమంలో పుచ్చ ఈశ్వర్రావు, కర్ని రమణతో పాటు కూటమి నాయకులు పాల్గొన్నారు.
శ్రీకాకుళం జిల్లా పలాస కాశీబుగ్గ మున్సిపాలిటీ పరిధిలో ప్రచారాల హోరు ముమ్మరంగా సాగుతున్నాయి. గురువారం మండుటెండను లెక్కచేయకుండా కూటమి అభ్యర్థులతో కలిసి 25(సప్ప అమ్మోజి), 36(పెద్దగోపు జగదాంబ) వార్డుల్లో ఎమ్మెల్యే గౌతు శిరీష ప్రచారంలో పాల్గొన్నారు. ఈ సందర్భంగా ఆమె మాట్లాడుతూ.. రెండున్నర కాలంలో కూటమి ప్రభుత్వం పుర ప్రజలకు అందించిన సేవలను గుర్తించి కూటమి అభ్యర్థులకు గెలిపించాలని కోరారు. రాబోయే రోజుల్లో పలాస పట్టణ రూపు రేఖలను మార్చుతామని తెలిపారు. ఈ కార్యక్రమంలో కూటమి చైర్పర్సన్ అభ్యర్థి వజ్జ గంగాభవాని తో పాటు స్థానిక కూటమి నేతలు పాల్గొన్నారు.