రాష్ట్రంలోని వక్ఫ్ ఆస్తుల వివరాలను సెంట్రల్ పోర్టల్‌లో నమోదు చేయడానికి గడువును మరో ఏడాది పొడిగించాలని కోరుతూ CM చంద్రబాబు నాయుడు కేంద్ర మంత్రి కిరణ్ రిజిజుకు లేఖ రాశారు. డిసెంబర్ 5తో గడువు ముగియనున్న నేపథ్యంలో, రాష్ట్రంలో 4,748 రిజిస్టర్డ్, 10,000 అన్ రిజిస్టర్డ్ వక్ఫ్ ఆస్తులు ఉన్నాయని పేర్కొన్నారు. ఇప్పటివరకు 3,100 ఆస్తుల వివరాలు అప్‌లోడ్ చేసినా, సాంకేతిక, స్టేక్ హోల్డర్ల సమస్యల వల్ల పురోగతికి ఆటంకాలు ఎదురవుతున్నాయని సీఎం వివరించారు.
శ్రీకాకుళం జిల్లా కవిటి మండలం లండారిపుట్టుగ పంచాయతీ తాజా మాజీ సర్పంచ్ ప్రతినిధి మురపాల కాళీప్రసాద్ మండల ప్రజల కోరిక మేరకు ఎంపీపీగా పోటీ చేయనున్నారు. ఆయన గత ఐదు సంవత్సరాల పరిపాలనలో సంక్షేమం, అభివృద్ధి ధ్యేయంగా దశాబ్దాల కాలంగా కలగానే మిగిలిన పనులను పూర్తి చేశారు. ఈ పంచాయతీలో అభివృద్ధిని గమనించిన మండల ప్రజలు ఆయన పరిపాలన పంచాయతీ పరిధిలోకే పరిమితం కాకుండా.. మండల స్థాయిలో కావాలని కోరుకుంటున్నారు. ఈ నేపథ్యంలో కూటమి ప్రభుత్వం ఎంపీపీగా అవకాశం కల్పించాలని కాళీప్రసాద్ కోరారు.