శ్రీకాకుళం జిల్లా నందిగాం(M) పెద్ద బాణాపురం గ్రామ సమీప జాతీయ రహదారిపై సోమవారం పెను ప్రమాదం తప్పింది. రహదారిపై వెళ్తున్న కారును వెనుక నుంచి గుర్తుతెలియని వాహనం ఢీకొనడంతో... కారు అదుపుతప్పి డివైడర్ పై నుంచి దూసుకుపోయి లారీని ఢీకొంది. ఈ ప్రమాదంలో కారులో ఉన్న వ్యక్తులు స్వల్ప గాయాలతో బయటపడడంతో అందరూ ఊపిరి పీల్చుకున్నారు. విషయం తెలుసుకున్న 1033 నేషనల్ హైవే సిబ్బంది ఘటనా స్థలానికి చేరుకొని క్రేన్ సహాయంతో ప్రమాదానికి కారణమైన వాహనాలను సురక్షిత ప్రాంతానికి తరలించారు. ఘటనపై నదిగాం పోలీసులు కేసు నమోదు చేసి దర్యాప్తు చేస్తున్నారు.
