శ్రీకాకుళం జిల్లా మందస మండలం బేతాళపురం గ్రామంలో శనివారం విషాద ఘటన చోటుచేసుకుంది.. గ్రామంలో ఓ ఇల్లు నిర్మాణ పనులు చేపడుతుండగా... మహిళా కార్మికులపై ఒక్కసారిగా గోడ కూలిపోయింది. ఈ ఘటనలో బత్తిని కాంతమ్మ (39) అనే భవన నిర్మాణ కార్మికరాలు అక్కడికక్కడే మృతి చెందగా.. మరో కార్మికురాలు కీలు దుర్గమ్మ (32) తీవ్ర గాయాలపాలైంది. విషయం తెలుసుకున్న పోలీసులు ఘటన స్థలానికి చేరుకొని కేసు నమోదు చేసి తర్యాప్తు చేస్తున్నారు.
