కారు టైరు పేలడంతో... ఘోర రోడ్డు ప్రమాదం

శ్రీకాకుళం రూరల్ మండలం పాత్రునివలస జంక్షన్ వద్ద జాతీయ రహదారిపై ఆదివారం సాయంత్రం ఘోర రోడ్డు ప్రమాదం చోటుచేసుకుంది. కారు టైరు పేలడంతో అదుపుతప్పి లారీ ను ఢీకొంది. ఈ ప్రమాదంలో ఓ వ్యక్తి అక్కడికక్కడే మృతి చెందగా ఆరుగురుకి తీవ్ర గాయాలయ్యాయి. పోలాకి కి చెందిన ఏడుగురు వ్యక్తులు రాజాం వెళ్లి తిరిగి వస్తుండగా.. ఈ ప్రమాదం చోటుచేసుకుంది. విషయం తెలుసుకున్న పోలీసులు ఘటనా స్థలానికి చేరుకొని గాయపడిన వ్యక్తులను చికిత్స నిమిత్తం శ్రీకాకుళం ఆసుపత్రికి తరలించి కేసు నమోదు చేసి దర్యాప్తు చేస్తున్నారు.