LMR NEWS

శ్రీకాకుళం జిల్లా పలాస కాశీబుగ్గ మున్సిపాలిటీ పరిధిలో మంగళవారం 24వ వార్డు పురుషోత్తపురంలో ఎన్టీఆర్ భరోసా పెన్షన్ పంపిణీ కార్యక్రమంలో ఎమ్మెల్యే గౌతు శిరీష పాల్గొన్నారు. ఈ సందర్భంగా ఆమె మాట్లాడుతూ... ప్రతీ నెల 1వ తేదీన మీ ఇంటి పెద్ద కొడుకులా మన సీఎం చంద్రబాబు నాయుడు మీ ఇంటి వద్దకే పెన్షన్ అందిస్తున్నారని తెలిపారు. ఈ కార్యక్రమంలో స్థానిక కూటమి నాయకులు పాల్గొన్నారు.

ఇంటర్నెట్ లేకున్నా యూపీఐ చెల్లింపులు చేసేలా ‘UPI 123Pay' సర్వీస్ను తీసుకొచ్చిన ఫోన్పే.... ఇంటర్నెట్ లేకపోయినా యూపీఐ చెల్లింపులు చేసేలా ‘UPI 123Pay' సర్వీస్ను ఫోన్పే అందుబాటులోకి తెచ్చింది. ఇది 2G నెట్వర్క్ ప్రాంతాల్లో SMS ఆధారంగా పనిచేస్తూ, దాదాపు 20 కోట్ల మంది ఫీచర్ ఫోన్ యూజర్లకు డిజిటల్ చెల్లింపుల సౌలభ్యం కలిగిస్తుంది. కొత్త ఫోన్లలో యాప్ ప్రీఇన్స్టాల్ అయ్యేలా నోకియా, లావా వంటి సంస్థలతో ఒప్పందం కుదుర్చుకుంది. దీని ద్వారా క్యూఆర్ స్కాన్, చెల్లింపులు, బ్యాలెన్స్ చెకింగ్ చేయొచ్చు.....

శ్రీకాకుళం జిల్లా మందస మండలం గెడ్డవూరు గ్రామానికి చెందిన మత్స్యకారుడు వంక యాదవరావు (52) సముద్రంలో చేపల వేటకు వెళ్లి మంగళవారం మృతి చెందాడు. గ్రామానికి చెందిన నలుగురు మత్స్యకారులు సముద్రంలో చేపల వేటకు వెళ్ళగా... రాకాసి అలలకు తెప్ప బోల్తా పడింది. ఈ ప్రమాదంలో ముగ్గురు మత్స్యకారులు తీరానికి చేరుకోగా... యాదవరావు పై తెప్ప బోల్తా పడటంతో తీవ్ర గాయాలతో మృతి చెందాడు. మృతునికి భార్య ఇద్దరు కుమార్తెలు ఒక కుమారుడు ఉన్నారు.

పలాస సామాజిక ప్రభుత్వ ఆసుపత్రిని సోమవారం ఎమ్మెల్యే గౌతు శిరీష ఆకస్మికంగా తనిఖీ చేశారు. ముందుగా హాజరు పట్టిని పరిశీలించి డ్యూటీలో ఉన్న డాక్టర్ల వివరాలు అడిగి తెలుసుకున్నారు. వైద్యులు సమయపాలన పాటించి వచ్చిన రోగులకు అందుబాటులో ఉంటూ వారికి కావలసిన వైద్య సేవలు అందించాలని తెలిపారు. ఇటీవల పలువురు వైద్యులపై రోగుల నుంచి ఫిర్యాదులు అందాయని అటువంటి వారిపై క్రమశిక్షణ చర్యలు తప్పవని హెచ్చరించారు.

కేంద్ర, రాష్ట్ర ప్రభుత్వాలు నిర్వహిస్తున్న SIR (Special Intensive Revision) కార్యక్రమంలో విధులు నిర్వహిస్తున్న కంప్యూటర్ ఆపరేటర్లకు అదనపు గౌరవ వేతనం చెల్లించాలని రాష్ట్ర ఎన్నికల అధికారి ఎస్ ఢిల్లీరావుకు ఆదివారం కంప్యూటర్ ఆపరేటర్లు వినతి పత్రం అందజేశారు. అనంతరం వారు మాట్లాడుతూ.. SIR విధుల్లో భాగంగా అదనపు పనిభారం, సాంకేతిక మరియు ఇతర కార్యనిర్వహణ సమస్యలు ఎదురవుతున్నాయని వారు తెలిపారు. అదనంగా నిర్వహిస్తున్న విధులను పరిగణనలోకి తీసుకుని అదనపు గౌరవ వేతనం మంజూరు చేయాలని విజ్ఞప్తి చేశారు. ఎన్నికల అధికారి ఎస్ ఢిల్లీరావు సానుకూలంగా స్పందిస్తూ... తన వంతు కృషి చేస్తానని హామీ ఇచ్చారు. ఈ కార్యక్రమంలో రాజేష్, సిమ్మన్న, హరి, కోదండ, సుధాకర్ తదితర ఎన్నికల కంప్యూటర్ ఆపరేటర్లు పాల్గొన్నారు.

శ్రీకాకుళం జిల్లా వజ్రపుకొత్తూరు (M) పూండిలోని సాగర్ కాలనీలో చోరీ ఘటన కలకలం రేపింది. ఇంట్లో ఎవరూ లేని సమయంలో దుండగులు పై అంతస్తులోకి ప్రవేశించి సూట్‌కేసులో భద్రపరిచిన మూడు తులాల బంగారం, రూ.15 వేల నగదును అపహరించారు. సమాచారం అందుకున్న పోలీసులు సంఘటనా స్థలానికి చేరుకుని విచారణ చేపట్టారు.ఆదివారం కాశీబుగ్గ డీఎస్పీ టి.భవాని, రూరల్ సీఐ తిరుపతిరావు ఘటనాస్థలాన్ని పరిశీలించి కేసు నమోదు చేసే దర్యాప్తు చేపడుతున్నారు.

కలకత్తా నుంచి హైదరాబాద్ వెళుతున్న ఫలక్‌నుమా ఎక్స్‌ప్రెస్ (Falaknuma Express) రైలులో ప్రయాణం చేస్తూ... ఆదివారం పలాస రైల్వే స్టేషన్ సమీపంలో ఓ మహిళ జారిపడింది. ఈ ప్రమాదంలో మహిళకు తీవ్ర గాయాలయ్యాయి. విషయం తెలుసుకున్న 108 అంబులెన్స్ సిబ్బంది సత్యం & వెంకట్రావు ఘటన స్థలానికి చేరుకుని ప్రధమ చికిత్స అందించి, వైద్యం నిమిత్తం పలాస ప్రభుత్వ ఆసుపత్రికి తరలించారు. గాయపడిన మహిళ అస్సాం కు చెందిన అజ్వినా ఖాన్ గా గుర్తించి కేసు నమోదు చేసిన పలాస జిఆర్పి పోలీసులు.

కలకత్తా నుంచి హైదరాబాద్ వెళుతున్న ఫలక్‌నుమా ఎక్స్‌ప్రెస్ (Falaknuma Express) రైలులో ప్రయాణం చేస్తూ... ఆదివారం పలాస రైల్వే స్టేషన్ సమీపంలో ఓ మహిళ జారిపడింది. ఈ ప్రమాదంలో మహిళకు తీవ్ర గాయాలయ్యాయి. విషయం తెలుసుకున్న 108 అంబులెన్స్ సిబ్బంది సత్యం & వెంకట్రావు ఘటన స్థలానికి చేరుకుని ప్రధమ చికిత్స అందించి, వైద్యం నిమిత్తం పలాస ప్రభుత్వ ఆసుపత్రికి తరలించారు. గాయపడిన మహిళ అస్సాం కు చెందిన అజ్వినా ఖాన్ గా గుర్తించి కేసు నమోదు చేసిన పలాస జిఆర్పి పోలీసులు.

కలకత్తా నుంచి హైదరాబాద్ వెళుతున్న ఫలక్‌నుమా ఎక్స్‌ప్రెస్ (Falaknuma Express) రైలులో ప్రయాణం చేస్తూ... ఆదివారం పలాస రైల్వే స్టేషన్ సమీపంలో ఓ మహిళ జారిపడింది. ఈ ప్రమాదంలో మహిళకు తీవ్ర గాయాలయ్యాయి. విషయం తెలుసుకున్న 108 అంబులెన్స్ సిబ్బంది సత్యం & వెంకట్రావు ఘటన స్థలానికి చేరుకుని ప్రధమ చికిత్స అందించి, వైద్యం నిమిత్తం పలాస ప్రభుత్వ ఆసుపత్రికి తరలించారు. గాయపడిన మహిళ అస్సాం కు చెందిన అజ్వినా ఖాన్ గా గుర్తించి కేసు నమోదు చేసిన పలాస జిఆర్పి పోలీసులు.

పలాస - కాశీబుగ్గ మున్సిపాలిటీ పరిధి 9వ వార్డ్ డెంకివీధిలో బుధవారం రాష్ట్ర బీసీ సెల్ ప్రధాన కార్యదర్శి లోడగల కామేశ్వరరావు ఆధ్వర్యంలో ఇంటింటికి తెలుగుదేశం కార్యక్రమం నిర్వహించారు. ఈ సందర్భంగా ఆయన ఇంటింటికి పర్యటించి, కూటమి ప్రభుత్వం అందిస్తున్న సంక్షేమ అభివృద్ధి పథకాలు గూర్చి వివరించారు. అనంతరం వారి నుంచి సమస్యలు అడిగి తెలుసుకున్నారు. ఈ కార్యక్రమంలో స్థానిక ప్రజలు పాల్గొన్నారు.

పలాస - కాశీబుగ్గ మున్సిపాలిటీ పరిధి 9వ వార్డ్ డెంకివీధిలో బుధవారం రాష్ట్ర బీసీ సెల్ ప్రధాన కార్యదర్శి లోడగల కామేశ్వరరావు ఆధ్వర్యంలో ఇంటింటికి తెలుగుదేశం కార్యక్రమం నిర్వహించారు. ఈ సందర్భంగా ఆయన ఇంటింటికి పర్యటించి, కూటమి ప్రభుత్వం అందిస్తున్న సంక్షేమ అభివృద్ధి పథకాలు గూర్చి వివరించారు. అనంతరం వారి నుంచి సమస్యలు అడిగి తెలుసుకున్నారు. ఈ కార్యక్రమంలో స్థానిక ప్రజలు పాల్గొన్నారు.

మాజీ మంత్రి సీదిరి అనుచరుడు అల్లు వెంకటరమణను సోమవారం రాత్రి కాశీబుగ్గ పోలీసులు అరెస్టు చేశారు. జూన్ 10వ తేదీన మాజీ మంత్రి అప్పలరాజు కుమారుడు ద్విచక్ర వాహనంతో ఢీకొనడంతో గొర్రెల కాపరి దానయ్య మృతి చెందిన విషయం తెలిసిందే... ఈ ఘటనలో వెంకటరమణ ఏ4 గా ఉన్నారు. దీంతో లక్ష్మీపురం లోని ఆయన స్వగృహంలో పోలీసులు అదుపులోకి తీసుకున్నారు.

శ్రీకాకుళం జిల్లా కవిటి మండల ఉద్దాన ప్రాంత ఇసుక నేలలో ఆగస్టు నుంచి అక్టోబర్ వరకు విరువుగా దొరికే పుట్టగొడుగులు ఎంతో రుచికరంగా ఉంటాయి. సహజ సిద్ధంగా దొరికే ఈ పుట్టగొడుగులు ఎన్నో పోషక గుణాలు కలిగి ఉంటాయి. వీటిని ఆహారంగా తీసుకుంటే  ఆరోగ్యానికి ఎంతో మేలు కరం. ఉద్దాన ప్రాంతంలో ఈ పుట్టగొడుగులను కొందరు నాన్ వెజ్ (మాంసాహారం)గా భావిస్తే మరికొందరు వెజ్ (శాఖాహారం) గా భావిస్తున్నారు. మరి పొడవాటి తోక కలిగిన ఈ పుట్టగొడుగులు మీరు ఎప్పుడైనా రుచి చూశారా..?

ఒడిశాలోని పారాదీప్ తీరానికి సుమారు 240 నాటికల్ మైళ్ల దూరంలో నౌక మునిగిపోయింది. పనామా జెండాతో వెళ్తున్న కార్గో షిప్లో 24 మంది సిబ్బంది ఉన్నట్లు అధికారులు తెలిపారు. వారి ఆచూకీ కోసం గాలిస్తున్నట్లు చెప్పారు. ఒడిశా నుంచి ఐరన్ ఓర్ను సింగపూర్కు తీసుకెళ్తుండగా ఈ ప్రమాదం జరిగినట్లు వెల్లడించారు. అయితే ఘటనకు గల కారణాలు, ప్రాణ, ఆస్తి నష్టానికి సంబంధించిన వివరాలు తెలియాల్సి ఉంది.

జిల్లా స్థాయి యోగ పోటీల్లో సత్తా చాటిన సాయి జగదీశ్‌ రాష్ట్ర స్థాయి పోటీలకు ఎంపికయ్యారు. ఈ నెల 6వ తేదీన నిర్వహించిన జిల్లా స్థాయి యోగ పోటీల్లో ప్రథమ స్థానం సాధించి రాష్ట్ర స్థాయి పోటీలకు అర్హత సాధించారు. ఈ నెల 24 నుంచి 28వ తేదీ వరకు తిరుపతిలో నిర్వహించనున్న రాష్ట్ర స్థాయి అమరావతి ఛాంపియన్‌షిప్‌ యోగ పోటీల్లో సాయి జగదీశ్‌ పాల్గొననున్నారు. జిల్లా స్థాయిలో సాధించిన విజయాన్ని రాష్ట్ర స్థాయిలోనూ కొనసాగించి ప్రతిభ కనబరచాలని పలువురు క్రీడాకారులు, ఉపాధ్యాయులు ఆకాంక్షించారు. ఈ సందర్భంగా సాయి జగదీశ్‌కు శుభాకాంక్షలు తెలిపారు.

శ్రీకాకుళం జిల్లా పలాస మండలం పెదంచలలో శుక్రవారం సీఐ గంధం రామకృష్ణ ఆధ్వర్యంలో పల్లెనిద్ర కార్యక్రమం నిర్వహించారు. ఈ సందర్భంగా  గ్రామస్తులతో ఆయన సమావేశమయ్యారు. గ్రామంలో నెలకొన్న సమస్యలు, శాంతిభద్రతల పరిస్థితి, రాబోయే సర్పంచ్ ఎన్నికల నిర్వహణ తదితర అంశాలపై గ్రామస్తులతో చర్చించారు. ఈ కార్యక్రమంలో పోలీస్ సిబ్బందితో పాటు సిబ్బంది, గ్రామస్తులు పాల్గొన్నారు.

శ్రీకాకుళం జిల్లా వజ్రపుకొత్తూరు మండలం గరుడభద్రలో శుక్రవారం సీఐ తిరుపతిరావు ఆధ్వర్యంలో పల్లెనిద్ర కార్యక్రమం నిర్వహించారు. ఈ సందర్భంగా  గ్రామస్తులతో ఆయన సమావేశమయ్యారు. గ్రామంలో నెలకొన్న సమస్యలు, శాంతిభద్రతల పరిస్థితి, రాబోయే సర్పంచ్ ఎన్నికల నిర్వహణ తదితర అంశాలపై గ్రామస్తులతో చర్చించారు. ఈ కార్యక్రమంలో ఎస్సై నిహార్ తో పాటు సిబ్బంది, గ్రామస్తులు పాల్గొన్నారు.

శ్రీకాకుళం జిల్లా పలాస మండలం మొగిలిపాడు జంక్షన్ వద్ద పోలీసులు గురువారం వాహనాలు తనిఖీలు నిర్వహిస్తుండగా... తమిళనాడుకు చెందిన నలుగురు వ్యక్తులు గంజాయి తరలిస్తూ పట్టుబడ్డారు. వారి వద్ద నుంచి 3.85 కిలోల గంజాయిని స్వాధీనం చేసుకొని, వారిని పోలీసులు అరెస్టు చేశారు. ఒడిస్సా రాష్ట్రం గుణుపూర్ నుంచి తమిళనాడు రైలు మార్గంలో తరలించేందుకు ప్రయత్నిస్తుండగా.. పట్టుబడినట్లు కాశీబుగ్గ పోలీసులు తెలిపారు.

పలాసలో 2019లో ప్రారంభమైన మినీ స్టేడియం నిర్మాణ పనులు నేటికీ అసంపూర్తిగా నిలిచిన పనులను, వెంటనే పూర్తి చేయాలని శాప్ చైర్మన్ రవి నాయుడును మంగళవారం ఎమ్మెల్యే శిరీష కోరారు. ఈ సందర్భంగా ఆమె మాట్లాడుతూ పలాస ప్రాంతంలో క్రీడలకు మరింత ప్రోత్సాహం కల్పించడంతోపాటు యువతకు మెరుగైన క్రీడా సదుపాయాలు అందుబాటులోకి తీసుకురావడమే ప్రభుత్వ లక్ష్యం అన్నారు.

శ్రీకాకుళం జిల్లా సోంపేటలో సర్దార్ గౌతు లచ్చన్న 117 వ జయంతి సందర్భంగా.. శ్రీ చైతన్య దీపిక ఆధ్వర్యంలో గీత కార్మికులకు సన్మాన కార్యక్రమం నిర్వహించారు. ఈ సందర్భంగా పలువురు మాట్లాడుతూ... ఓ నిరుపేద గీత కార్మిక కుటుంబంలో జన్మించిన డాక్టర్ సర్దార్ గౌతు లచ్చన్న స్వాతంత్ర్య ఉద్యమంలో కీలక భూమిక పోషించారని గుర్తు చేశారు. ఆయన ఆశయాలను కొనసాగించే విధంగా యువత అడుగులు వేయాలని కోరారు. అనంతరం పలువురు గీత కార్మికులకు ఘనంగా సన్మానించారు.

విజయవాడ లో నిర్వహించిన సర్దార్ గౌతు లచ్చన్న 117 వ జయంతి ఉత్సవాల్లో ముఖ్యఅతిథిగా ఆయన 3వ తరం వారసురాలు పలాస ఎమ్మెల్యే గౌతు శిరీష పాల్గొన్నారు. ఈ సందర్భంగా పలువురు మాట్లాడుతూ..  సామాజిక మార్పు కోసం నిరంతరం పోరాడిన వ్యక్తి లచ్చన్న అని ఆయన అందించిన సేవలకు కొనియాడారు. ఈ కార్యక్రమంలో ఏపీటీపీసీ చైర్మన్ వజ్జ బాబురావు తో పాటు బీసీ సంఘ నాయకులు పాల్గొన్నారు.

శ్రీకాకుళం జిల్లా పలాస కాశీబుగ్గ మున్సిపాలిటీ కార్యాలయ ఆవరణలో శనివారం జరిగిన 80వ స్వాతంత్ర్య దినోత్సవ వేడుకల్లో ఎమ్మెల్యే గౌతు శిరీష పాల్గొన్నారు. ముందుగా జాతీయ జెండాను ఆవిష్కరించారు. అనంతరం ఆమె మాట్లాడుతూ... నాడు స్వాతంత్ర సమరయోధుల త్యాగఫలమే నేడు మనకు జెండా పండుగ అని వారి త్యాగాలను గుర్తు చేశారు. ఈ కార్యక్రమంలో మున్సిపల్ శ్రీనివాసులు, కూటమి నాయకులు, మెప్మా సిబ్బంది పాల్గొన్నారు.

మాజీ మంత్రి అప్పలరాజు బెయిల్ పిటిషన్ పై వాదనలు విన్న న్యాయమూర్తి తీర్పు రేపటికి వాయిదా వేశారు. నాలుగు రోజుల  కస్టడీకి పోలీసులు వేసిన పిటిషన్ పలాస కోర్టు కొట్టి వేసిన విషయం తెలిసిందే.. ఈ నేపథ్యంలో సోంపేట ఆరవ అదనపు జిల్లా కోర్టు తీర్పు పై సర్వత్ర ఎదురుచూస్తున్నారు.

శ్రీకాకుళం జిల్లా వజ్రపుకొత్తూరు మండలం మంచినీళ్లపేట గ్రామానికి చెందిన సూరాడ విశాఖ (45) గురువారం సముద్రంలోకి వేటకు వెళ్లి మృతి చెందిన ఘటన చోటుచేసుకుంది. తోటి మత్స్యకారులతో సముద్రంలోకి వేటకు వెళ్లిన సమయంలో రాకాసి అలల తాకిడికి తెప్ప బోల్తా పడడంతో మృతి చెందినట్లు భార్య దానమ్మ పిర్యాదు మేరకు పోలీసులు కేసు నమోదు చేశారు. కాగ మృతునికి కుమారుడు తిరుపతిరాజు, కుమార్తెలు ప్రేమ, వాణి ఉన్నారు. దీంతో మృతి చెందటంతో గ్రామంలో విషాదఛాయలు అలముకున్నాయి.

మాజీ మంత్రి సీదిరి అప్పలరాజు కస్టడీ పిటిషన్ ను బుధవారం పలాస కోర్ట్ న్యాయమూర్తి కొట్టివేశారు. మరోవైపు సోంపేట ఆరవ అదనపు జిల్లా కోర్టులో ఆయన తరఫున బెయిల్ పిటిషన్ వేసిన విషయం తెలిసిందే.. జులై 10న జరిగిన రోడ్డు ప్రమాదంలో సాక్ష్యాధారాలు తారుమారు చేశారన్న ఆరోపణలతో జులై 22న ఆయన్ను అరెస్ట్ చేసి రిమాండ్కు తరలించిన సంగతి తెలిసిందే.

మాజీ మంత్రి సీదిరి అప్పలరాజు కస్టడీ పిటిషన్ ను బుధవారం పలాస కోర్ట్ న్యాయమూర్తి కొట్టివేశారు. మరోవైపు సోంపేట ఆరవ అదనపు జిల్లా కోర్టులో ఆయన తరఫున బెయిల్ పిటిషన్ వేసిన విషయం తెలిసిందే.. జులై 10న జరిగిన రోడ్డు ప్రమాదంలో సాక్ష్యాధారాలు తారుమారు చేశారన్న ఆరోపణలతో జులై 22న ఆయన్ను అరెస్ట్ చేసి రిమాండ్కు తరలించిన సంగతి తెలిసిందే.

శ్రీకాకుళం జిల్లా పలాస నియోజకవర్గ పరిధిలో స్థానిక సంస్థల ఎన్నికలకు పార్టీ శ్రేణులు సమన్వయంతో సన్నద్ధం కావాలని ఎమ్మెల్యే గౌతు శిరీష పిలుపునిచ్చారు. మంగళవారం కూటమి నాయకులు, టిడిపి శ్రేణులతో స్థానిక టిడిపి కార్యాలయంలో సమావేశమయ్యారు.ఈ సందర్భంగా ఆమె మాట్లాడుతూ.. క్షేత్రస్థాయిలో సమన్వయం, ప్రజలతో మరింత మమేకమై పనిచేయాలని ఆమె ఆదేశించారు.

మాజీ మంత్రి అప్పలరాజును నాలుగు రోజులు కస్టడీకి అనుమతి ఇవ్వాలని కోరుతూ... నేడు పలాస జూనియర్ సివిల్ జడ్జ్ కోర్టులో పోలీసులు పిటిషన్ వేశారు. మరోవైపు సోంపేట ఆరవ అదనపు జిల్లా కోర్టులో మాజీ మంత్రి అప్పలరాజుకు బెయిల్ పిటిషన్ ను ఆయన తరపు న్యాయవాది వేశారు. ఇది ఇలా ఉండగా... జూలై 10వ తేదీన జరిగిన రోడ్డు ప్రమాద ఘటనలో సాక్షాధారాలు తారుమారు చేశారని అభియోగంతో జూలై 22వ తేదీన పోలీసులు అరెస్టు చేసి రిమాండ్ కు తరలించిన విషయం తెలిసిందే.

మాజీ మంత్రి అప్పలరాజును నాలుగు రోజులు కస్టడీకి అనుమతి ఇవ్వాలని కోరుతూ... నేడు పలాస జూనియర్ సివిల్ జడ్జ్ కోర్టులో పోలీసులు పిటిషన్ వేశారు. మరోవైపు సోంపేట ఆరవ అదనపు జిల్లా కోర్టులో మాజీ మంత్రి అప్పలరాజుకు బెయిల్ పిటిషన్ ను ఆయన తరపు న్యాయవాది వేశారు. ఇది ఇలా ఉండగా... జూలై 10వ తేదీన జరిగిన రోడ్డు ప్రమాద ఘటనలో సాక్షాధారాలు తారుమారు చేశారని అభియోగంతో జూలై 22వ తేదీన పోలీసులు అరెస్టు చేసి రిమాండ్ కు తరలించిన విషయం తెలిసిందే.

చెన్నైలో జరిగిన అండర్ - 16 యోగాసన ఛాంపియన్షిప్ పోటీల్లో ఇచ్చాపురం పట్టణానికి చెందిన విద్యార్థి పాలేపు సాయి జగదీష్ నాలుగు పతకాలను కైవసం చేసుకున్నాడు. ట్విస్టింగ్‌ విభాగంలో స్వర్ణ పతకం, ఫార్వర్డ్‌ బెండింగ్‌లో రజత పతకం, స్టాండింగ్‌లో రజత పతకం, బ్యాక్‌వర్డ్‌ బెండింగ్‌లో కాంస్య పతకాన్ని కైవసం చేసుకున్నాడు. దీంతో విద్యార్థి తల్లిదండ్రులు, ఉపాధ్యాయులు, పట్టణవాసులు అభినందించారు.

శ్రీకాకుళం జిల్లా మందస మండలం గిరిజన ప్రాంతమైన పెడంగో గ్రామ సమీపంలో ఆదివారం సాయంత్రం పిడుగుపాటుకు ఇద్దరు మహిళలు పాతకోట జ్వర(45), సుమాంద్రి(43) మృతి చెందగా.. మరో నలుగురు మహిళలు గాయాల పాలయ్యారు. మహిళలంతా వ్యవసాయ పనులు చేస్తుండగా ఈ ఘటన చోటుచేసుకుంది. గాయపడిన బుయ పూర్ణి(48), కుమార్ నీలావతి(38), కొత్త సుస్మిత(32), మజ్జి దేవిక(34) లను చికిత్స నిమిత్తం 108 అంబులెన్స్ లో హరిపురం ప్రభుత్వ ఆసుపత్రికి తరలించి, ఘటనపై మందస పోలీసులు కేసు నమోదు చేసి దర్యాప్తు చేస్తున్నారు.

శ్రీకాకుళం జిల్లా కంచిలి సమీపంలో జాతీయ రహదారిపై శుక్రవారం పెను ప్రమాదం తప్పింది. చెన్నై నుంచి ఖుర్దారోడ్ వెళ్తున్న ఇండియన్ ఆయిల్ గ్యాస్ ట్యాంకర్ అదుపుతప్పి వరద కాలువలోకి జారుకొని ఇరుక్కుపోయింది.విషయం తెలుసుకున్న నేషనల్ హైవే సిబ్బంది పోలీసులు, ఫైర్ సిబ్బంది ఘటనా స్థలానికి చేరుకొని వాహనాన్ని సురక్షిత ప్రాంతానికి తరలించే ప్రయత్నం  చేస్తున్నారు.

"మధ్యవర్తిత్వం దేశం కోసం" కార్యక్రమంలో భాగంగా గురువారం పలాస జూనియర్ సివిల్ జడ్జి కోర్టు ఆవరణలో ప్రత్యేక అవగాహన కార్యక్రమం నిర్వహించారు. ఈ సందర్భంగా పలాస కోర్ట్ సివిల్ జడ్జి యు మాధురి మాట్లాడుతూ... మధ్యవర్తిత్వ చర్చల ద్వారా కేసులను సులభంగా, వేగంగా పరిష్కరించుకొని న్యాయం పొందవచ్చని తెలిపారు. ఈ కార్యక్రమంలో స్థానిక న్యాయవాదులు, పోలీసులు, కక్షిదారులు పాల్గొన్నారు.

శ్రీకాకుళం జిల్లా వజ్రపుకొత్తూరు మండలం సైనూరు గ్రామంలో గురువారం జరిగిన "మీ భూమి మీ హక్కు" కార్యక్రమంలో ఎమ్మెల్యే గౌతు శిరీష పాల్గొన్నారు. ఈ సందర్భంగా స్థానిక రైతులకు ప్రభుత్వం రాజముద్రతో కూడిన పట్టాదారు పాస్ పుస్తకాలను పంపిణీ చేశారు. అనంతరం ఆమె మాట్లాడుతూ.. రైతే రాజు అనే సూత్రంతో కూటమి ప్రభుత్వం ముందుకు సాగుతుందని, రైతులకు వారి భూమిపై పూర్తి హక్కు కల్పించడమే ప్రభుత్వ లక్ష్యం అని తెలిపారు.

శ్రీకాకుళం జిల్లా వజ్రపుకొత్తూరు మండలం సైనూరు గ్రామంలో సుమారు రూ. 21.2 లక్షల నిధులతో జేజేఎమ్ వాటర్ ట్యాంక్ పనులను గురువారం ఎమ్మెల్యే శిరీష శంకుస్థాపన చేశారు. ఈ సందర్భంగా ఆమె మాట్లాడుతూ... ఇంటింటికి సురక్షితమైన త్రాగునీరు అందించడమే కూటమి ప్రభుత్వ లక్ష్యం అని అన్నారు. ప్రతి ఇంటికి కుళాయి ద్వారా త్రాగునీరు అందిస్తామని తెలిపారు. ఈ కార్యక్రమంలో స్థానిక టిడిపి నేతలు గ్రామస్తులు పాల్గొన్నారు.

మాజీ మంత్రి అప్పలరాజు బెయిల్ విచారణ రేపటికి వాయిదా వేస్తూ... సోంపేట ఆరవ  జిల్లా అదనపు కోర్టు న్యాయమూర్తి తెలిపారు. జూలై 10 తేదీన కాశీబుగ్గలో జరిగిన రోడ్డు ప్రమాద ఘటనలో సాక్షాధారాలు తారుమారు చేశారని అభియోగంతో జులై 22న పోలీసులు అరెస్టు చేసిన విషయం తెలిసిందే.. మరోవైపు నేటితో 14 రోజుల రిమాండ్ పూర్తి కావడంతో రిమాండ్ పొడిగించే అవకాశాలు కనిపిస్తున్నాయి.

శ్రీకాకుళం జిల్లా పలాస పట్టణానికి చెందిన సూర్య తేజ విద్యా సంస్థలపై ఇటీవల అసత్య ఆరోపణలతో పలు పత్రికలు, సోషల్ మీడియాలో ప్రచారాలపై చట్టపరంగా చర్యలు తీసుకుంటామని ఆ సంస్థ ప్రిన్సిపాల్ దానేటి పద్మజి హెచ్చరించారు. బుధవారం పలాసలో జరిగిన మీడియా సమావేశంలో ఆమె మాట్లాడారు. సూర్యతేజ జూనియర్ కళాశాలలో ఇంటర్మీడియట్ పూర్తి చేసి పై చదువులకు వెళ్లిన విద్యార్థినిపై నాన్ టీచింగ్ స్టాఫ్ లైంగిక వేధింపులకు పాల్పడ్డారని ఆ విద్యార్థిని తల్లిదండ్రుల ఫిర్యాదు మేరకు పోలీసులు ఆ వ్యక్తిపై కేసు నమోదు చేసి అరెస్టు చేసినట్లు ఆమె వివరించారు.

మాజీ మంత్రి సీదిరి అప్పలరాజుకు పోలీసు కస్టడీకి పలాస కోర్టు అనుమతి ఇచ్చింది. ప్రస్తుతం శ్రీకాకుళం జిల్లా జైలులో రిమాండ్లో ఉన్న ఆయనను ఒక రోజు పాటు విచారించేందుకు కోర్టు అనుమతించింది. దీంతో రేపు ఉదయం 9 గంటల నుంచి సాయంత్రం 5 గంటల వరకు పోలీసులు ఆయనను విచారించనున్నారు. కాగా.. రోడ్డు ప్రమాదంలో తన కుమారుడిని కాపాడేందుకు సాక్ష్యాలను తారుమారు చేసిన ఆరోపణలతో ఆయనపై కేసు నమోదైంది.

నెల్లూరు జిల్లా క్యారమ్ సంఘ ఆధ్వర్యంలో మూడు రోజులపాటు నిర్వహించిన రాష్ట్రస్థాయి క్యారమ్ పోటీల్లో శ్రీకాకుళం (D), కవిటి (M), జగతి గ్రామానికి చెందిన ఎల్ హరిప్రియ ప్రథమ ర్యాంక్ కైవసం చేసుకుంది. ఈ సందర్భంగా ఆమెకు నగదు బహుమతితో పాటు ట్రోపీను అందించారు. హరిప్రియ ఇదివరకే జాతీయస్థాయిలో క్యారమ్ పోటీల్లో పాల్గొని ఇప్పటికే పలు పథకాలు సాధించిన విషయం తెలిసిందే.. ఈ సందర్భంగా కుటుంబ సభ్యులతో పాటు, గ్రామస్తులు హరిప్రియకు అభినందించారు.