LMR NEWS

శ్రీకాకుళం జిల్లా పలాస కాశీబుగ్గ మున్సిపాలిటీ పరిధి ఓ లాడ్జ్ లో వివాహిత అనుమానాస్పద స్థితిలో మృతి చెందిన ఘటన బుధవారం జంట పట్టణాల్లో కలకలం రేపింది. మృతురాలు టెక్కలి సర్వమంగళ వీధికి చెందిన వివాహిత గొడుపు లక్ష్మిగా గుర్తించి, ఘటన స్థలానికి చేరుకుని కాశీబుగ్గ పోలీసులు ఆధారాలు సేకరిస్తున్నారు.

𝟑𝟎/𝟎𝟗/𝟐𝟎𝟐𝟔 🗞️𝐓𝐎𝐏 𝐍𝐄𝐖𝐒 విజయవాడలో నేడు సీఎం చంద్రబాబు 24,057 కుటుంబాలకు ఇళ్ల స్థలాల రెగ్యులరైజేషన్ పట్టాలు పంపిణీ చేయనున్నారు ఏపీలో రహదారుల పునరుద్ధరణకు రూ.1,498 కోట్లు.. భారీ వర్షాలకు దెబ్బతిన్న 2,405 కిలోమీటర్ల రోడ్లకు మరమ్మతులు శ్రీకాకుళం జిల్లాలో వర్షాలకు అత్యధికంగా 412 కిలోమీటర్ల రహదారులు దెబ్బతిన్నట్లు అధికారులు గుర్తింపు ఉత్తరాంధ్రలో భారీ వర్షాల తర్వాత రిజర్వాయర్లలో పెరిగిన నీటి ప్రవాహాలు.. సాగునీటి పరిస్థితిపై అధికారుల దృష్టి అనకాపల్లి ప్రాంతానికి భారీ తాగునీటి ప్రాజెక్ట్.. ఏలేరు రిజర్వాయర్‌ ఆధారంగా బహుళ గ్రామాలకు నీటి సరఫరాకు రూ.1,076 కోట్ల పనులు విశాఖలో రైల్వే స్టేషన్ అభివృద్ధికి ప్రణాళికలు.. ప్రస్తుతం రోజుకు 65 వేల మందికి పైగా ప్రయాణికులు, భవిష్యత్‌లో 14 ప్లాట్‌ఫారాలకు విస్తరణ విశాఖలో ఇటీవల భారీ వర్షాలతో దెబ్బతిన్న ప్రాంతాల్లో పునరుద్ధరణ పనులు కొనసాగింపు.. రోడ్లు, డ్రైనేజీ, ఇతర మౌలిక వసతులపై అధికారుల దృష్టి విజయనగరంలో పిడితల్లి సిరిమానోత్సవానికి ఏర్పాట్లు ముమ్మరం.. భక్తులకు ఇబ్బందులు లేకుండా అధికారుల చర్యలు విశాఖ రేంజ్ పరిధిలో స్థానిక సంస్థల ఎన్నికల...

కాశీబుగ్గ జిల్లా పరిషత్ ఉన్నత పాఠశాలలో డొక్కా సీతమ్మ మధ్యాహ్నం భోజన పథకాన్ని మంగళవారం ఏపీటీపీసి చైర్మన్ వజ్జ బాబురావు  పరిశీలించారు. సందర్భంగా విద్యార్థులకు ప్రతిరోజు అందుతున్న పౌష్టికాహారం గూర్చి అడిగి తెలుసుకున్నారు. ప్రభుత్వ నిబంధనలకు అనుగుణంగా మెనూ అమలు చేయాలని భోజన నిర్వాహకులకు ఆయన ఆదేశించారు. ఈ కార్యక్రమంలో స్థానిక కూటమి నాయకులు AMC చైర్మన్ మల్ల శ్రీను, లోడగల కామేశ్వరరావు, మల్లిపెద్ది నరేంద్రబాబు(చిన్ని), గాలి కృష్ణారావు, శాసుమాన చంద్రమౌళి యవ్వారి మోహనరావు, నాబిల్లి శ్రీను, తుంగాన దేవరాజు, శంకు శ్రీకాంత్, బంగారి కేదార్నాద్ తదితరులు పాల్గొన్నారు.

శ్రీకాకుళం జిల్లా కవిటి మండలం బింగిపుట్టుగ గ్రామంలో సోమవారం రాత్రి అయ్యప్ప స్వామి బింగి ముకుందరావు ఆధ్వర్యంలో పడిపూజ ఘనంగా నిర్వహించారు. ఈ సందర్భంగా గురుస్వామి ఆనంగి మాధవరావు తన శిష్యులైన అయ్యప్పలతో అంగరంగ వైభవంగా పడిపూజని దివిద్యం చేశారు. ముందుగా.. అయ్యప్ప భజన కార్యక్రమం తో మొదలైన పడిపూజ చివరివరకు ఎంత ఉత్సాహంగా అయ్యప్ప స్వాములు పాల్గొని దిగ్విజయం చేశారు.

శ్రీకాకుళం జిల్లా మందస మండలం గెడ్డవూరు గ్రామంలో ఇటీవల తుఫాను కారణంగా సముద్రంలో వేటకు వెళ్లలేక ఉపాధి కోల్పోయిన మత్స్యకార కుటుంబాలకు ఒక్కో ఇంటికి 50 కిలోల చొప్పున బియ్యంను సోమవారం ఎమ్మెల్యే శ్రీమతి గౌతు శిరీష పంపిణీ చేశారు. ఈ సందర్భంగా ఎమ్మెల్యే మాట్లాడుతూ, వేటపై ఆధారపడి జీవించే కుటుంబాలకు సముద్రంలోకి వెళ్లలేని ప్రతి రోజు ఆర్థికంగా ఇబ్బందికరమేనని అన్నారు. తుఫాను సమయంలో మత్స్యకారులు తమ ప్రాణాలను పణంగా పెట్టి వేటకు వెళ్లకుండా భద్రతకు ప్రాధాన్యం ఇవ్వాలని సూచించారు. వేట నిలిచిపోయిన సమయంలో కుటుంబాల నిత్యావసరాలకు ఇబ్బంది కలగకుండా చూడటం అవసరమని పేర్కొన్నారు.

శ్రీకాకుళం జిల్లా నందిగాం మండలం పోలవరం గ్రామానికి చెందిన కూను జోసెఫ్, సుజాత దంపతుల కుమారునుకి హైదరాబాద్ ప్రాంతానికి చెందిన కుటుంబంతో సంబంధం ఏర్పడింది. ప్రస్తుతం అమెరికాలో సాఫ్ట్‌వేర్ ఉద్యోగం చేస్తున్న యువతీ యువకుల వివాహం అక్కడ ఘనంగా జరిగింది. వివాహ వేడుకను ఆన్‌లైన్ ద్వారా వీక్షించిన తల్లిదండ్రులు, బంధువులు భావోద్వేగానికి లోనయ్యారు. తమ కుమారుడి పెళ్లిని కళ్లముందే చూసుకుంటూ ఆనందంతో మురిసిపోయారు. ఖండాంతరాల దూరం ఉన్నప్పటికీ టెక్నాలజీ తమను వివాహ వేడుకలో భాగస్వాములను చేసిందని కుటుంబ సభ్యులు ఆనందం వ్యక్తం చేశారు.

శ్రీకాకుళం జిల్లా పలాస కిడ్నీ (రీసెర్చ్ సెంటర్) ఆసుపత్రిని శనివారం ఎమ్మెల్యే గౌతు శిరీష ఆకస్మికంగా తనిఖీలు నిర్వహించారు. ఉదయం 10 గంటలకు విధుల్లో ఉండాల్సిన డాక్టర్స్, వైద్య సిబ్బంది రాకపోవడంతో ఆగ్రహం వ్యక్తం చేశారు. 11 మంది డాక్టర్లు ఉండగా... కేవలం ఇద్దరు మాత్రమే సమయానికి విధి నిర్వహణలో ఉన్నారు. కిడ్నీ సమస్యతో బాధపడుతున్న పేదలకు వైద్య సేవలు అందించడంలో నిర్లక్ష్యం వహిస్తే చట్ట పరంగా చర్యలు తప్పవని ఆమె హెచ్చరించారు.

శ్రీకాకుళం జిల్లా పలాస కిడ్నీ (రీసెర్చ్ సెంటర్) ఆసుపత్రిని శనివారం ఎమ్మెల్యే గౌతు శిరీష ఆకస్మికంగా తనిఖీలు నిర్వహించారు. ఉదయం 10 గంటలకు విధుల్లో ఉండాల్సిన డాక్టర్స్, వైద్య సిబ్బంది రాకపోవడంతో ఆగ్రహం వ్యక్తం చేశారు. 11 మంది డాక్టర్లు ఉండగా... కేవలం ఇద్దరు మాత్రమే సమయానికి విధి నిర్వహణలో ఉన్నారు. కిడ్నీ సమస్యతో బాధపడుతున్న పేదలకు వైద్య సేవలు అందించడంలో నిర్లక్ష్యం వహిస్తే చట్ట పరంగా చర్యలు తప్పవని ఆమె హెచ్చరించారు.

శ్రీకాకుళం జిల్లా కంచిలి మండలం జలాంత్రకోట మెయిన్ రోడ్డు వద్ద నివాసముంటున్న బడ్డి దీపిక ఇంట్లో రెండు ముప్పావు తులాల బంగారం చోరీకి గురైనట్లు గురువారం ఆమె పోలీసులకు ఫిర్యాదు చేశారు. బుధవారం రాత్రి సమీపంలో ఉన్న తన స్వగ్రామమైన చట్రాయపురంలో వినాయక నిమజ్జనంలో పాల్గొని గురువారం ఉదయం వచ్చేసరికి ఇల్లు తాళం పగలగొట్టి బీరువాలో ఉన్న బంగారం చోరీ చేసినట్లు ఆమె తెలిపారు. దీపిక భర్త జమ్మూ కాశ్మీర్లో SSB కానిస్టేబుల్ గా విధులు నిర్వహిస్తున్నారు. ఘటనపై ఎస్సై పారినాయుడు కేసు నమోదు చేసి దర్యాప్తు చేస్తున్నారు.

➣కళింగపట్నానికి నైరుతి దిశలో తీరం దాటిన ఆర్నాబ్ తుఫాను➣జిల్లా వ్యాప్తంగా నేలకొరిగిన విద్యుత్ స్తంభాలు.. విద్యుత్ సరఫరాకు తీవ్ర అంతరాయం➣టెక్కలి, ఎల్ ఎన్ పేట మండలాల పరిధిలో ఇళ్లల్లోకి చేరిన వరద నీరు➣ఇచ్చాపురం, ఆమదాలవలస మండలాల పరిధిలో కూలిన ఇంటి గోడలు➣పలాస మండల పరిధిలో రోడ్డుపై పొంగి పొర్లుతున్న వరహాలగెడ్డ➣తీరం వెంబడి అల్లకల్లోలంగా మారిన సముద్రం➣ జిల్లావ్యాప్తంగా వేలాది హెక్టార్లు నీట మునిగిన వరి పంట.

ఆర్నబ్ తుఫాన్ కారణంగా గత రెండు రోజులుగా జిల్లావ్యాప్తంగా భారీ వర్షాలు కురుస్తున్నాయి. దీంతో వాగులు, వంకలు పొంగిపొర్లుతున్నాయి. ప్రభుత్వ యంత్రాంగం అప్రమత్తమై కంట్రోల్ రూమ్ లో ఏర్పాటు చేశారు. శ్రీకాకుళం - 9701400865, టెక్కలి - 9490610050, పలాస - 08945241084. అత్యవసర పరిస్థితుల్లో ప్రతి మండలాల పరిధిలో పునరావాస కేంద్రాలు ఏర్పాటు చేశామని జిల్లా కలెక్టర్ స్వప్నిల్ దినకర్ తెలిపారు.

ఆర్నబ్ తుఫాన్ కారణంగా కురుస్తున్న భారీ వర్షాలకు వరహాలగెడ్డకు సుమారు 1000 క్యూసెట్ల నీరు చేరుతుందని వంశధార ఇ.ఇ శేఖర్ బాబు తెలిపారు. శ్రీకాకుళం జిల్లా పలాస(M) కంబ్రిగాం వద్ద ఉన్న కాజ్ వే ను నీటి సంఘ అధ్యక్షులు నిరంజన్ తో కలిసి ఆయన బుధవారం పరిశీలించారు. భారీగా కురుస్తున్న వర్షాలకు పలాస, వజ్రపుకొత్తూరు మండలాల పరిధిలో ఉన్న అన్ని చెరువులు వరదనీటితో నిండాయని తెలిపారు. మరింత వరద నీరు ఉద్రిక్తత ఎక్కువైతే ఎటువంటి ప్రమాదాలు జరగకుండా ఉండేందుకు ముందస్తు చర్యలు చేపడుతున్నట్లు వెల్లడించారు. మరోవైపు కాజ్ వే లో స్థానికులు ఎవరూ చేపల వేట గాని ఇతర అవసరాలకు వరహాలగెడ్డ వైపు వెళ్లకుండా కాశీబుగ్గ పోలీసులు పహారా కాస్తున్నారు.

తుఫాన్ కారణంగా పలాస మండల పరిధిలో ప్రజలు ఎవరు ఇబ్బంది పడకుండా ఉండేందుకు పునరావాస కేంద్రాలు ఏర్పాటు చేసినట్లు మండల ప్రత్యేక అధికారి రవికృష్ణ తెలిపారు. మండలంలోని అల్లుకోల, బ్రాహ్మణతర్ల, గరుడకండి గ్రామాల్లో పునరావాస కేంద్రాలు ఏర్పాటు చేశామన్నారు. స్థానిక తాసిల్దార్ శ్రీదేవితో పాటు ఎంపీడీవో వసంత కుమార్ పంచాయతీల పరిధిలో ఉన్న అధికారులను అప్రమత్తంగా చేయాలని ఆయన సూచించారు.

శ్రీకాకుళం జిల్లా పలాస మండలం కిష్టుపురం రైల్వే అండర్ పాస్ తుఫాన్ కారణంగా కురుస్తున్న భారీ వర్షాలకు వరద నీటితో నిండిపోయింది. సమీప గ్రామ ప్రజలు విషయాన్ని గ్రహించి ఈ అండర్ పాస్ ద్వారా రాకపోకలు చేయకుండా ఉండాలని కాశీబుగ్గ ఎస్సై దుర్గాప్రసాద్ తెలిపారు. సమీపంలో ఉన్న లక్ష్మీపురం టోల్ ప్లాజాలో వాహనాలకు ఉన్న ఫాస్టాగ్ (FASTag) రుసుము తప్పించుకునేందుకు వాహన దారులు ఈ మార్గం ద్వారా వెళ్లేందుకు ప్రయత్నం చేయవద్దని ఆయన సూచించారు.

శ్రీకాకుళం జిల్లా కేంద్రం పోలీసు కార్యాలయంలో డయల్-112, 6309990933 కంట్రోల్ రూమ్‌లతో పాటు, జిల్లాలోని మూడు పోలీసు సబ్‌ డివిజన్ల పరిధిలో ఆయా కార్యాలయాల్లో ప్రత్యేక కంట్రోల్ రూమ్‌లు ఏర్పాటు చేసినట్లు ఎస్పీ కెవి మహేశ్వర రెడ్డి మంగళవారం ఒక ప్రకటన రూపంలో తెలిపారు.శ్రీకాకుళం డీఎస్పీ 6309990804,  కాశీబుగ్గ డీఎస్పీ 6309990805,  టెక్కలి డీఎస్పీ 6309990811, స్పెషల్ బ్రాంచ్ కంట్రోల్ రూమ్ 6309990911 నంబర్లను అందుబాటులో ఉంచినట్లు పేర్కొన్నారు.

TG: మేడ్చల్-మల్కాజిగిరి జిల్లా పోచారం ఐటీ కారిడార్ పోలీస్ స్టేషన్ పరిధిలో శ్రీకాకుళం జిల్లా ఇచ్చాపురం దాసన్నపేటకు చెందిన సాఫ్ట్వేర్ ఉద్యోగిని మౌనిక సంతోషి సూసైడ్ చేసుకుంది. సంస్కృతి టౌన్షిప్ సమీపంలోని అపార్టమెంట్లో నివాసముంటున్న మౌనిక (26) శనివారం రాత్రి ఇంట్లో ఉరివేసుకుని ఆత్మహత్యకు పాల్పడింది. ఆదివారం ఉదయం కుటుంబసభ్యులు గుర్తించి పోలీసులకు సమాచారం ఇచ్చారు. కుటుంబ కలహాలే కారణమై ఉండొచ్చని పోలీసులు భావిస్తున్నారు. మృతురాలి భర్త కూడా సాఫ్ట్వేర్ ఉద్యోగి కాగా.. కొంతకాలంగా దంపతుల మధ్య గొడవలు జరుగుతున్నాయని పోలీసులు తెలిపారు. కాగా...  వైజాగ్కు చెందిన రమాకాంతను ప్రేమించి. కులాంత వివాహం చేసుకొని సంస్కృతి టౌన్షిప్లో నివాసముంటున్నారు. ఇవాళ భర్త ఇంటిలో ఉండగానే భార్య సూసైడ్ చేసుకుంది. వీరికి రెండున్నరేళ్ల కవల కుమారులున్నారు.

శ్రీకాకుళం జిల్లా పలాస మండల పరిధిలో ఉన్న ప్రభుత్వ మరియు ప్రైవేటు పాఠశాలలు, కళాశాల లలో చదువుతున్న విద్యార్థుల ఆధార్ అప్డేషన్ కొరకు (MBU manditory biometric updation) దిగువ తెలపబడిన కేంద్రాలలో పూర్తి చేసుకోవాలని ఎంఈఓ శ్రీనివాస్ ఒక ప్రకటనలో తెలిపారు. పలాస జూనియర్ కళాశాల, సూర్య తేజ జూనియర్ కళాశాల, శ్రీ చైతన్య జూనియర్ కళాశాల, సాయి శిరీష ఉన్నత పాఠశాల, బ్రాహ్మణతర్ల ప్రభుత్వ పాఠశాలలలో సోమవారం (21-09-2026) నుంచి ఆధార్ కేంద్రాలు ఏర్పాటు చేయనున్నారని తెలిపారు.

శ్రీకాకుళం జిల్లా కవిటి మండలం పొందూరుపుట్టుగ గ్రామంలో మూడు రోజులు ఘనంగా వినాయక పూజలు నిర్వహించి నేడు నిమజ్జనానికి ఏర్పాట్లు చేశారు. ముందుగా 11 కిలోల లడ్డు వేలం పాట నిర్వహించారు. ఈ వేలం పాటలో గ్రామస్తులు పెద్ద ఎత్తున పాల్గొన్నారు. పొందూరు అశోక్ తన 10 నెలల చిన్నారి పేరున రూ. 65 వేలుకు సొంతం చేసుకున్నారు. దీంతో ఊరేగింపుగా లడ్డు ప్రసాదాన్ని గ్రామ దేవత శ్యామలమ్మ గుడికి తీసుకు వెళ్ళి ప్రత్యేక పూజలు నిర్వహించారు.

కేంద్ర మంత్రి రామ్మోహన్ నాయుడు చొరవతో మలేషియాలో చిక్కుకున్న యువకులు గురువారం స్వదేశానికి రానున్నారు. ఉపాధి కోసం మలేషియా వెళ్ళిన వజ్రపుకొత్తూరు మండలం మెట్టూరు గ్రామానికి చెందిన చొక్కర సాయి, లండ తరుణ్ కుమార్, సోంపేట(M) ఎర్రముక్కాం గ్రామానికి చెందిన చీకటి సాయివంశీ తో పాటు మరో యువకుడు చిక్కుల్లో పడిన విషయం తెలిసిందే.. ఆగస్టు 12వ తేదీన ఉపాధి నిమిత్తం విజిటింగ్ వీసాపై వెళ్లిన యువకులను ఇమ్మిగ్రేషన్ అధికారులు కస్టడీకి తీసుకున్నారు. పండగపూట వారి కుటుంబ సభ్యులు ఆందోళన చెందుతూ.. ఎమ్మెల్యేలు శిరీష, అశోక్ ల ద్వారా కేంద్ర మంత్రి రామ్మోహన్ నాయుడు కు సమాచారం అందించారు. స్పందించిన రామ్మోహన్ నాయుడు విదేశాంగ శాఖ మంత్రి ద్వారా మలేషియా ప్రభుత్వంతో చర్చలు జరిపి క్షేమంగా యువకులను తిరిగి స్వదేశానికి తెచ్చేందుకు చేసిన ప్రయత్నాలు ఎట్టకేలకు ఫలించాయి. దీంతో గురువారం నలుగురు యువకులు స్వదేశానికి రానున్నారు.  

పలాస పెద్ద వీధిలో బాబా యూత్ కమిటీ ఆధ్వర్యంలో అనంత పద్మనాభ స్వామి శయనించినట్లురూపంలో ఉన్న గణనాధుని విగ్రహం ఏర్పాటు చేశారు. ఈ గణేశుని విగ్రహం భక్తులకు ఎంతగానో ఆకట్టుకుంటుంది. నేటి నుంచి నవరాత్రులు ఎంతో భక్తి శ్రద్ధలతో పూజలు నిర్వహిస్తామని, మట్టితో ఈ విగ్రహాన్ని తయారు చేసేందుకు సుమారు నెల రోజుల సమయం పట్టిందని బాబా యూత్ కమిటీ సభ్యులు తెలిపారు.

పలాస కాశీబుగ్గ మున్సిపాలిటీ పరిధి మొగిలిపాడు కొత్త వీధిలో యూత్ కమిటీ సభ్యుల ఆధ్వర్యంలో మహేంద్రగిరి పై ఉన్న భీముడు కొండలో కొలువైన గణేశుని ఏర్పాటు చేశారు. ఈ సెట్టు భక్తులకు ఎంతగానో ఆకట్టుకుంటుంది. దీన్ని నిర్మించేందుకు సుమారు వారం రోజుల సమయం పట్టిందని కమిటీ సభ్యులు తెలిపారు. పూజ ఏర్పాట్లకు తిమ్మల నారాయణ, కుమ్మరి ముకింద, వాడరేవు అశోక్, కీలు హరీష్, తిమ్మాల ప్రశాంత్, సైని జగన్నాధం, సైని సింహాచలం,సొర్ర శివ, సైని రంగా సహకరించారు.

పలాస అన్నపూర్ణ ఆశ్రమం వీధిలో రైజింగ్ యూత్ కమిటీ ఆధ్వర్యంలో అగ్ని పర్వతాల మధ్యలో భారీ గణనాధుని విగ్రహం ఏర్పాటు చేశారు. 12 అడుగుల ఎత్తులో ఉన్న ఈ గణేశుని విగ్రహం భక్తులకు ఎంతగానో ఆకట్టుకుంటుంది. నేటి నుంచి నవరాత్రులు ఎంతో భక్తి శ్రద్ధలతో పూజలు నిర్వహిస్తామని, మట్టితో ఈ విగ్రహాన్ని తయారు చేసేందుకు సుమారు రెండు నెలల సమయం పట్టిందని కమిటీ సభ్యులు తెలిపారు.

పలాస అన్నపూర్ణ ఆశ్రమం వీధిలో యూత్ కమిటీ ఆధ్వర్యంలో గోల్డెన్ టెంపుల్ లో శ్రీ వారాహి లక్ష్మి నరసింహ స్వామి వద్ద ఉన్న గణనాథుని విగ్రహం ఏర్పాటు చేశారు. ఈ గణేశుని విగ్రహం భక్తులకు ఎంతగానో ఆకట్టుకుంటుంది. నేటి నుంచి నవరాత్రులు ఎంతో భక్తి శ్రద్ధలతో పూజలు నిర్వహిస్తామని, మట్టితో ఈ విగ్రహాన్ని తయారు చేసేందుకు సుమారు నెల రోజుల సమయం పట్టిందని కమిటీ సభ్యులు తెలిపారు.

పలాస కంచర వీధిలో బాల గణేష్ యూత్ కమిటీ ఆధ్వర్యంలో 20 అడుగుల వీరాంజనేయ స్వామి రూపంలో ఉన్న గణనాధుని విగ్రహం ఏర్పాటు చేశారు. ఈ గణేశుని విగ్రహం భక్తులకు ఎంతగానో ఆకట్టుకుంటుంది. నేటి నుంచి నవరాత్రులు ఎంతో భక్తి శ్రద్ధలతో పూజలు నిర్వహిస్తామని, మట్టితో ఈ విగ్రహాన్ని తయారు చేసేందుకు సుమారు రెండు నెలల సమయం పట్టిందని కమిటీ సభ్యులు తెలిపారు.

వినాయక చవితి సందర్భంగా వంట గదిలో ఉపయోగించే పప్పు దినుసులతో వినాయక విగ్రహాన్ని శ్రీకాకుళం జిల్లా కాశీబుగ్గ గాంధీనగర్ లో కొత్తపల్లి రమేష్ ఆచారి తయారు చేశారు.  సుమారు 35 రకాల పప్పు దినుసులు ఉపయోగించి, ఈ విగ్రహాన్ని తయారీకి నాలుగు గంటల సమయం పట్టినట్లుగా ఆయన తెలియజేశారు. పప్పు దినుసుల వినాయకుడు భక్తులను ఎంతగానో ఆకట్టుకుంటుంది.

శ్రీకాకుళం జిల్లా కవిటి(M) బొరివంక గ్రామానికి చెందిన ఉద్దానం యూత్ క్లబ్ ఆధ్వర్యంలో వినాయక చవితి సందర్భంగా - కదళీ కుసుమ గణపతిని తయారు చేశారు. అరటి చెట్టులోని పువ్వులు, ఆకులు మొదలగు అరటి ఉత్పత్తులతో గణనాథుడు  ఏర్పాటు చేశారు. పర్యావరణ పరిరక్షణ  ధ్యేయంగా 2012 నుండి ఇప్పటివరకు వివిధ గణపతి విగ్రహాలను ఇక్కడ ఏర్పాటు చేయడం విశేషం. శిల్పి బైరి తిరుపతి ఆధ్వర్యంలో తయారు చేయడం జరిగిందని యూత్ క్లబ్ అధ్యక్షులు దీనబంధు తెలిపారు.

దుబాయిలో జరిగిన ఉమెన్స్ ఆసియా కప్ ఫైనల్లో శ్రీలంకపై భారత్ 72 పరుగుల తేడాతో గెలిచింది. దీంతో ఎనిమిదోసారి ఆసియా కప్ ఛాంపియన్గా నిలిచింది. టీన్ఇండియా బౌలర్లు అద్భుతంగా బౌలింగ్ చేయడంతో 184 రన్స్ టార్గెట్ను ఛేదించడంలో శ్రీలంక బ్యాటర్లు తడబడ్డారు. 20 ఓవర్లలో 111 రన్స్కే ఆలౌటయ్యారు. భారత బౌలర్లలో శ్రీ చరణి 4, దీప్తి శర్మ 3 వికెట్లు తీయగా క్రాంతి గౌడ్, షెఫాలీ, ప్రేమా రావత్ తలో వికెట్ పడగొట్టారు.

AFGపై తొలి టీ20లో టీమ్ ఇండియా 7 వికెట్ల తేడాతో ఘన విజయం సాధించింది. 157 పరుగుల లక్ష్యాన్ని ఉఫ్ అని ఊదేసింది. అభిషేక్ శర్మ ఊచకోతతో 13.4 ఓవర్లలోనే ఆ టార్గెట్ను ఛేదించింది. ఈ డాషింగ్ ఓపెనర్ 32 బంతుల్లోనే 7 సిక్సర్లు, 7 ఫోర్లతో 82 పరుగులు చేసి ఔటయ్యారు. ఇషాన్ కిషన్ (42) రాణించారు. సంజూ (10) మరోసారి ఫెయిల్ అయ్యారు.

విఘ్నాలను తొలగించి విజయాలను అందించే విఘ్నేశ్వరుని కృపతో ప్రతి ఇంటా సుఖశాంతులు, ఆనందాలు వెల్లివిరియాలని పలాస ఎమ్మెల్యే గౌతు శిరీష ఆకాంక్షించారు. మన సంస్కృతి, సంప్రదాయాలకు ప్రతీకగా నిలిచే వినాయక చవితి పర్వదినాన్ని భక్తిశ్రద్ధలతో, పర్యావరణ పరిరక్షణకు ప్రాధాన్యతనిస్తూ.. మట్టి వినాయక విగ్రహాలకు పూజలు జరుపుకోవాలని ఆమె ప్రజలకు పిలుపునిచ్చారు.

అనకాపల్లి నుంచి పలాస వస్తున్న ఆర్టిసి బస్సు ఆనందపురం సమీపంలో ఉన్న విజయనగరం క్రాస్ రోడ్ జంక్షన్ వద్ద జాతీయ రహదారిపై ఆదివారం ప్రమాదానికి గురైంది. ఎదురుగా వెళ్తున్న లారీ ఒక్కసారిగా బ్రేక్ వేయడంతో వెనుక నుంచి వస్తున్న ఆర్టిసి బస్సు ఢీకొంది. ఈ ప్రమాదంలో బస్సులో ఉన్న పలువురు ప్రయాణికులకు తీవ్ర గాయాలయ్యాయి. వరుసుగా సెలవులు కావడంతో బస్సు ప్రయాణికులతో రద్దీగా ఉంది. ఘటనపై మరింత సమాచారం తెలియాల్సి ఉంది.

పలాస నియోజకవర్గ పరిధిలో నిరుపేదలకు వైద్య పరంగా ఆర్థిక భరోసా కల్పించే దిశగా ప్రభుత్వం అందిస్తున్న సీఎం రిలీఫ్ ఫండ్ (CMRF) ద్వారా మంజూరైన చెక్కులను ఎమ్మెల్యే గౌతు శిరీష శనివారం అందించారు. 27 మంది లబ్ధిదారులకు మంజూరైన రూ. 19.62 లక్షల చెక్కులను పలాస టిడిపి కార్యాలయంలో వారికి అందజేశారు. అనారోగ్యంతో చికిత్స పొందుతూ ఉన్న పేద, మధ్యతరగతి కుటుంబాలకు ఈ ఆర్థిక సహాయం ఎంతగానో ఉపయోగపడుతుందని తెలిపారు.

పలాస నియోజకవర్గ పరిధిలో నిరుపేదలకు వైద్య పరంగా ఆర్థిక భరోసా కల్పించే దిశగా ప్రభుత్వం అందిస్తున్న సీఎం రిలీఫ్ ఫండ్ (CMRF) ద్వారా మంజూరైన చెక్కులను ఎమ్మెల్యే గౌతు శిరీష శనివారం అందించారు. 27 మంది లబ్ధిదారులకు మంజూరైన రూ. 19.62 లక్షల చెక్కులను పలాస టిడిపి కార్యాలయంలో వారికి అందజేశారు. అనారోగ్యంతో చికిత్స పొందుతూ ఉన్న పేద, మధ్యతరగతి కుటుంబాలకు ఈ ఆర్థిక సహాయం ఎంతగానో ఉపయోగపడుతుందని తెలిపారు.

పర్యావరణ పరిరక్షణపై ప్రజల్లో అవగాహన కల్పించేందుకు పలాస శివాజీ నగర్ లో శనివారం స్థానిక షిరిడి సాయి ఆలయ ధర్మకర్త దువ్వాడ శ్రీధర్ (బాబా) మట్టి వినాయక విగ్రహాలను ఉచితంగా పంచిపెట్టారు. ఈ సందర్భంగా ఆయన మాట్లాడుతూ... వినాయక చవితి కేవలం ఒక పండగ మాత్రమే కాదని మనిషికి, మట్టికి, ప్రకృతికి మధ్య ఉన్న అనుబంధాన్ని చాటి చెప్పే గొప్ప సనాతన సాంప్రదాయమని తెలిపారు. ప్రజలందరూ మట్టితో తయారుచేసిన విగ్రహాలనే పూజించి పర్యావరణాన్ని కాపాడాలని కోరారు.

ప్రపంచ ఆత్మహత్యల నివారణ దినోత్సవం సందర్భంగా గురువారం పలాస ప్రభుత్వ ఆసుపత్రి ఆవరణలో వైద్యులు సిబ్బందితో కలిసి అవగాహన కలిగించారు. ఈ సందర్భంగా ఆసుపత్రి సూపరింటెండెంట్ Dr పాపినాయుడు మాట్లాడుతూ... బాల్యం నుంచే చిన్నారులకు ఒత్తిడి లేని జీవితాన్ని అలవాటు చేయాలని తెలిపారు. ఎటువంటి సమస్య ఉన్న ఒత్తిడికి గురి కాకుండా ప్రభుత్వ టెలి మానస్ 14416 నెంబర్ కి ఫోన్ చేసి ఉచిత వైద్య సలహాలు పొందవచ్చు అని తెలిపారు.

రానున్న గణేష్ ఉత్సవాలు నిర్వహించేందుకు ప్రజలు ఆన్లైన్ (సింగల్ విండో సిస్టం) ద్వారా అనుమతులు తీసుకోవాలని కాశీబుగ్గ డిఎస్పి భవాని గురువారం తన కార్యాలయంలో జరిగిన మీడియా సమావేశంలో వెల్లడించారు. ఈ సందర్భంగా ఆమె మాట్లాడుతూ.. భక్తిశ్రద్ధలతో, పరస్పర అంగీకారంతో గణేష్ ఉత్సవాలు నిర్వహించుకోవాలని ఆమె సూచించారు. రాత్రి 10 నుంచి ఉదయం 6 గంటల వరకు అధిక శబ్దం కలిగిన స్పీకర్లు వాడవద్దని సూచించారు.

శ్రీకాకుళం జిల్లా పలాస - కాశీబుగ్గ మున్సిపాలిటీ పరిధిలో మంగళవారం రాత్రి టాక్సీ డ్రైవర్లు పేకాట(జూదం) ఆడుతుండగా... కాశీబుగ్గ పోలీసులకు అందిన ముందస్తు సమాచారం మేరకు, మెరుపు దాడులు నిర్వహించారు. ఈ దాడుల్లో 9మంది స్థానిక టాక్సీ డ్రైవర్లను అదుపులోకి తీసుకొని వారి వద్ద నుంచి సుమారు రూ. 2 లక్షలు నగదు స్వాధీనం చేసుకుని కేసు నమోదు చేసి దర్యాప్తు చేస్తున్నారు.

దైవదర్శనానికి వెళ్లి తిరిగి వచ్చేసరికి ఇంటినే దొంగలు దోసేసారు. శ్రీకాకుళం జిల్లా వజ్రపుకొత్తూరు(M) పాతటెక్కలి గ్రామానికి చెందిన మల్ల భూపతిరావు తన కుటుంబ సభ్యులతో కలిసి ఈనెల 5వ తేదీన విజయవాడలో ఉన్న కనకదుర్గమ్మను దర్శించేందుకు వెళ్లి సోమవారం ఇంటికి తిరిగివచ్చారు. అప్పటికే ఇంటి తాళాలు పగలగొట్టి బీరువాలో ఉన్న 10 తులాల బంగారం, కేజీన్నర వెండి తోపాటు  4 లక్షల 37 వేల నగదును దొంగలు దోచుకెళ్ళినట్లు  బాధితుడు పోలీసులకు ఫిర్యాదు చేశాడు. విషయం తెలుసుకున్న సీఐ తిరుపతిరావు, ఎస్సై నిహార్ సిబ్బందితోపాటు ఘటనా స్థలానికి చేరుకుని ఆధారాలు సేకరిస్తున్నారు. ఘటనపై మరింత సమాచారం తెలియాల్సి ఉంది.

శ్రీకాకుళం జిల్లా కవిటి మండలం బసవకొత్తూరు గ్రామంలో శనివారం ఉదయం వంట చేసేందుకు గ్యాస్ స్టవ్ ను వెలిగించగా ఒకసారిగా మంటలు చెలరెగాయి. ఈ ప్రమాదంలో అత్తా కోడలు పిట్ట మహాలక్ష్మి, కుమారికి తీవ్ర గాయాలయ్యాయి. వీరి ఆహాకారాలు విన్న పక్కింటి మహిళ నీలగిరి భాగ్యవతి వీరిని సహాయం చేసేందుకు వచ్చి తీవ్రంగా గాయపడింది. ముగ్గురు మహిళలను చికిత్స నిమిత్తం జిల్లా ఆసుపత్రికి తరలించి కవిటి పోలీసులు కేసు నమోదు చేసి దర్యాప్తు చేస్తున్నారు.